संत रामदास आणि संत तुकाराम

शरीर दुखांचे कोठार
परमेश्वर प्राप्तीचे साधन म्हणजे हा नरदेह. या शरीराच्या सहाय्यानेच धर्माप्रमाणेच 
वागून जन्ममरणाच्या फेऱ्यातून मुक्ती मिळवायची. " शरीरमाद्यं खलु धर्म साधनम |
" पण हे शरीर आहे तरी कसे ?
 त्यावर श्री समर्थ रामदास म्हणतात
पाहता शरीराचे मूळ | या ऐसे नाही अमंगळ |
रजस्वलेचा जो विटाळ | त्यामध्ये जन्म यांसी ||३|१|११
नरकाचे कोठार भरले | आंत बाहेरी लीदबीडले |
मूत्र पोतडे जमले | दुर्गंधीचे ||३|१|१८||

त्यावर जगद्गुरू संत श्री तुकाराम म्हणतात
शरीर दुखांचे कोठार | शरीर रोगांचे भांडार ||
शरीर दुर्गंधीची ठार | नाही अपवित्र शरीर ऐसे ||
शरीर विटाळाचे आळे माया मोहपाश जाळे ||
पतन शरीराच्या मुळे | शरीर काळे व्यापिले ||