हनुमंताची मूर्ती सोन्याची....कि शेणाची?

समर्थांनी नाशिक येथे टाकळीला हनुमंताची मूर्ती स्थापन केली.
हि मूर्ती सोन्याची कि शेणाची यावरून एक गमतीदार घटना घडली.
टाकळी जवळच्या रानात गुरे चारायला दोन गुराख्याची पोर यायची.
त्यांतील एक जण म्हणाला की 'हनुमंताची मूर्ती सोन्याची आहे.' तर दुसरा मुलगा म्हणाला कि,'मूर्ती शेणाची आहे. दोघांनी मूर्ती पाहिली होती,
त्यामुळे दोघेघी आपला मुद्दा सोडायला तयार नव्हते.
अखेर प्रकरण पैज लागण्यापर्यंत गेले. दोघांनी मंदिरात जाऊन मूर्ती पहायची; ज्याचे म्हणणे खोटे असेल त्याने आपल्या गायी दुसऱ्याला देऊन टाकायच्या, असे ठरले.
दोघेही जण मंदिरात आले.
मूर्ती सोन्याची आहे असे म्हणणारयाने लाकडाच्या
एका तुकड्याने हनुमंताची शेपटी थोडी खाखाडली तेव्हा ती सोन्यासारखी चमकू लागली.
आता आपल्या सर्व गायी देऊन टाकाव्या लागणार म्हणून दुसरा मुलगा रडू लागला.
त्याच्या रडण्याचा आवाज ऐकून समर्थ मंदिरात आले.
समर्थ त्या दोघांना म्हणाले - ' तुम्ही दोघे बरोबर आहात.
मूर्ती गायीच्या शेणाची आहे आणि शास्त्र सांगते,
गायीच्या शेणात लक्ष्मीचा वास आहे.
गायीच्या शेणखतामुळे शेतात सोन्यासारखे पीक येते.
त्या दृष्टीने विचार केल्यास मूर्ती सोन्याची देखील आहे'.
जो मुलगा रडत होता त्याचा चेहरा फुलला.
दोघे जण आनंदाने आपापल्या गायी घेऊन घरी गेले.
समर्थांनी अशा प्रकारे छान मध्यस्थी केली.